БИШКЕК, 9-фев. — Sputnik. Былтыр эмгек мигранттары Кыргызстанга 1 миллиард 991,3 миллион доллар которгонун Улуттук банк билдирди.
2015-жылы чет жакта иштеп жүргөндөрдөн 1 миллиард 683,62 миллион доллар келген.
Улуттук банк былтыр которулган каражаттын ири бөлүгү — 1 миллиард 938,48 миллиону — Россияда иштеген мигранттардан экенин белгиледи. Калган акча Казакстан менен алыскы чет өлкөлөрдөн келген.
Маалыматтар боюнча чет жакта Кыргызстандын миллионго жакын жараны эмгектенип жүрөт. Анын басымдуу бөлүгү — Россияда.
