Унаа Айтматов проспектиси менен бара жатып бакты сүзгөн. Анын кесепетинен үч киши каза болду.
БИШКЕК, 3-фев. — Sputnik. Мамлекеттик резиденциянын жанындагы жол кырсыгынан мерт кеткендер 19дун ар жак-бер жагындагы жаштар экенин Кайгуул милициясы билдирди.
Эскерте кетсек, кечээ, 2-февраль күнү кечинде ВДНХ районунун аймагында Subaru Imreza унаасы Айтматов проспектиси менен катуу ылдамдыкта келе жатып бакты сүзгөн.
Экспертизанын жыйынтыгы менен айдоочунун рулга мас же соо абалында отурганы такталат.
"Унааны айдап бараткан 19 жаштагы жигит рулду башкара албай калган. Натыйжада Кыргыз-орус славян университетинин экинчи курсунда окуган студент кыз менен Бишкектеги №37 мектептин окуучусу каза болду. Азырынча унаанын ылдамдыгы так аныктала элек, бирок окуяга күбө болгондор өтө катуу келе жатканын айтышууда", — деп айтылат маалыматта.
Учурда тийиштүү тергөө иштери жүрүп жатат. Экспертизанын жыйынтыгы менен айдоочунун рулга мас же соо абалында отурганы такталат.
