БИШКЕК, 26-янв. — Sputnik. Алай районундагы бала бакчада күнү-түнү иштеген тайпа ачылды. Бул тууралуу Билим берүү жана илим министрлигинен билдиришти.
Маалыматка ылайык, Алай районунун Гүлчө айылындагы №5 "Ак ниет" бала бакчасында суткасына 24 саат иштеген атайын тайпа ишке кирди. Анда милиция кызматкерлеринин, дарыгерлердин жана түнкүсүн иштеген ата-энелердин балдары тарбияланат.
Демилге жергиликтүү тургундар менен бийлик тарабынан көтөрүлүп ишке ашты. Анын негизинде дагы кошумча төрт жумушчу орун пайда болгон.
Тарбиялоочулар балдарды күн сайын 18:00дө кабыл ала баштайт.
