БИШКЕК, 13-янв. — Sputnik. Азиялык футбол конфедерациясынын алкагындагы "Дордой" менен Түркмөнстандын "Балкан" командасынын беттешин ливандык калыстар тейлейт. Бул тууралуу Кыргызстандын Футбол федерациясынын маалымат кызматы билдирди.
13 Үчтүн айы 2017, 09:55
Азиялык футбол конфедерациясынын кубогу үчүн беттештер үч тандоо оюндары жана негизги турнир менен коштолот. Анда кыргызстандык "Дордой" командасы август айында биринчи тандоо оюндарында ийгиликтүү ойноп, экинчи этапка өткөн.
Плей-оффтун жарым финалында ата мекендик команда түркмөндөрдүн "Балканы" менен оюн талаасында эки жолу чыгат. Биринчи беттеш 31-январда Кыргызстанда өтсө, экинчиси 7-февралга белгиленген. Жыйынтыгында жеңген команда финалга чыгып, анда негизги турнирге жолдомо берилет.
Январь айынын соңунда өтө турган оюнду ливандык калыс Хусейн Або Йехиа жетектеп, ага мекендеши Самер Бадр жана иорданиялык Мохаммад Мустафа Хассан Алкалаф менен Ахмад Якуб Ибрахим жардамдашат.
