БИШКЕК, 8-янв. — Sputnik. Узаган жылдын ичинде АКШ жети өлкөгө 26 миң 171 бомба таштаган. Бул тууралуу РИА Новости Американын тышкы саясат жана улуттук коопсуздук боюнча эксперти Мика Зенкого шилтеме берүү менен жазып чыкты.
АКШ 12 миң 192 бомбаны Сирияда, 12 миң 95 бомбаны Иракта, 1337 бомбаны Афганистанда, 496 бомбаны Ливияда, 34 бомбаны Йеменде, 12 бомбаны Сомалиде жана 3 бомбаны Пакистанда жардырган.
Мика Зенконун айтымында, АКШ өткөн жылы 2015-жылга салыштырмалуу 3027ге ашык бомба таштаган. Мындан сырткары Ливия буга чейин тизмекте жок болгон.
Эксперт кесиптеши Женнифер Уилсон менен биргеликте Пентагон жарыялаган маалыматтарды иргеп чыккан соң, ушундай жыйынтыкка келген.
