БИШКЕК, 30-дек. — Sputnik. Баткен районундагы Карабак айылынын тургуну, III топтогу майып Токтобүбү Мусаеванын үйү 22-декабрдын таңында өрттөнүп, бир бөлмөсү толугу менен жарактан чыккан. Бактыга жараша, үй ээлери аман, бирок III топтогу майып учурда бала-бакырасы менен оор шартта күн кечирип келет. Ызгаардуу кышта болгон мүлкүнөн ажырап олтурган бул бүлөдөн аймактык кабарчыбыз кабар алып келген.
Кырсык болгон түнү өрт үйдүн мейманкана бөлмөсүнөн чыгып, баалуу делген буюмдарды жалмап кеткен.
"22-декабрда таңкы төрт жарымдарда ойгонуп кетип, өрттү сезип калдым. Үйдөгүлөр башка бөлмөдө уктап жаткандыктан, ажалдан аман калган. Жолдошумду ойготуп, сыртка чыктык. Кырсыктагандан бери төрт балам, жолдошум менен бир бөлмөдө эптеп күн кечирип келе жатабыз. Өрттөн кийин тамыбызды оңдоп алганга чамабыз жок, айылдагы жакыр бүлөлөрдүн катарындабыз", — деди Мусаева.
"Азыр жылдын жыйынтыгы чыгып жаткан чак. 2017-жылдын башы менен акчалай жардам берели деп турабыз. Балким керектүү курулуш материалдарынан тактай алып беребиз, эми муну тиешелүү комиссия чечет", — деди Акматбекова.
Кырсыкка кабылган Мусаева алардын үй-бүлөсү жашап турган үйүн камсыздандырбагандыгын, камсыздандыруу эмне экенин эми башына келгенде түшүнүп жатканын айтты.
