БИШКЕК, 15-дек. — Sputnik. Бүгүн кыргыз-казак чек арасындагы "Ак Жол" жана "Кордай" чек ара өткөрүү пункттары эки саатка жабыла тургандыгын Чек ара кызматынан кабарлашты.
Билдирмеге караганда, чек араны убактылуу жабуу казактар тарабынан демилгеленген.
"Трансформаторлорду оңдоо иштерине байланыштуу бүгүн саат 10.00дөн 12.00гө чейин чек араны жабуу чечими кабыл алынды. Буга байланыштуу жарандар, транспорт жана жүк ташуучу унаалар өткөрүлбөйт", — деп айтылат маалыматта.
Кыргыз-казак чек арасындагы калган өткөрмө пункттары штаттык режимде иштеп жатат.
