БИШКЕК, 14-дек. — Sputnik. Бүгүн борбордогу Кыргыз-түрк "Манас" университетинин Чыңгыз Айтматов атындагы студенттик шаарчада фильмдерди кинофестивалдарда алга жылдыруу боюнча иш алып барган "Festagent" агенттигинин өкүлү Иван Золотухин каалоочулар үчүн мастер-класс өтөт. Бул тууралуу фестивалдын уюштуруу комитетинин мүчөсү Чолпон Идрисова билдирди.
Маалыматка ылайык, аталган агенттик акыркы беш жылдын ичинде орус жана англис тилиндеги 1630дан ашык россиялык жана чет өлкөлүк кинофестивалдардын каталогун түзүп чыккан.
"Festagent" агенттигинин адистери тасмаларды анализдөө, аны алдыга жылдыруунун стратегиясы, фестивалдардын тизмесин түзүү, анкета, документтерди толтуруу менен алектенишет.
Идрисова белгилегендей, мастер-класс саат 13.30да башталат, бардык каалоочулар үчүн эшик ачык.
