БИШКЕК, 6-дек. — Sputnik. Биринчи топтогу майып, көзү азиз болгондугуна карабай 13 жылдан бери радио жаатында эмгектенип жүргөн Азамат Бердияров "Маданияттын мыкты кызматкери" төш белгиси менен сыйланды. Бул тууралуу маалыматты ди-джей Sputnik Кыргызстан агенттигинин кабарчысына тастыктап берди.
Ал алгач кабарга ишенбегендигин айтты.
"Телефондон чалышканда ишенген жокмун. Тамашалап жатат го дегем. Анткени бул абройлуу төш белги эмеспи. Анан кечээ күнү Маданият, маалымат жана туризм министрлиги төш белги тапшырганда ишендим. Кубанычымда чек жок", — деди Бердияров.
Азамат Бердияров учурда радиолордун биринде ди-джей болуп иштейт. Буга чейин да бир канча радиолордо алып баруучулукту аркалаган.
