БИШКЕК, 30-ноя. — Sputnik. Борбор калаада "Жеңиштин канаттары" аталышындагы биринчи республикалык сүрөт сынагы уюштурулат. Бул тууралуу шаардык мэриядан билдиришти.
Саамалык Кыргызстан менен Россиянын авиациясынын тарыхына арналып, 6-декабрь күнү саат 11:00дө Чыңгыз Айтматов атындагы Орус драма театрында өтөт.
Ага Бишкек шаары менен Чүй облусунун окуучулары жана ата-энелер катышып, сүрөт көргөзмөсү уюштурулат.
Ошондой эле авиацияга таандык жабдыктардын, учкучтардын аспаптарынын жана кийимдеринин көргөзмөсү болот.
Иш-чараны өлкөнүн Башкы штабы менен Канттагы Жааматтык коопсуздук келишим уюмунун авиабазасы уюштурууда.
