БИШКЕК, 29-ноя. — Sputnik. Кыргызстан мусулмандарынын дин башкармалыгы Талас облусундагы медреселердин ишмердүүлүгүн текшерүүдө. Бул тууралуу муфтияттан кабарлашты.
Маалыматка ылайык, муфтияттын диний окуу жайлар бөлүмүнүн жетекчиси Замир Ракиев медресе окуучулары менен жолугуп, алар менен бир сабактар туурасында пикир алышкан. Андын сырткары мечиттерди каттоо ишин колго алууну айткан
"Ракиев имамдар менен кезигип, мечиттерди каттоо ишин тездетүү тапшырмасын берди", — деп айтылат маалыматта.
Ошондой эле бөлүм жетекчи аттестациядан өтө элек имамдарга документтерди чогултуп, экзамендерге даярдануу керектигин эскерткен.
