БИШКЕК, 27-ноя. — Sputnik. Саламаттык сактоо министрлигинин карамагындагы бардык реабилитациялык борборлордо жылуулук берүүдө маселе жок экенин министрликтен билдиришти.
Министрликтин карамагында 250 орунга ылайыкташкан үч борбор бар. Алар Бишкек жана Оштогу балдардын жана үй-бүлөлөргө ылайыкташкан реабилитациялык борборлор жана Токмоктогу балдыр үйү. Андан сырткары медициналык реабилитациялык беш уюм, бир санаторий жана өлкө аймагында эки бөлүмү бар.
Саламаттык сактоо министрлиги Токмоктогу балдар үйүнө 24-ноябрдан тарта жылуулук толук берилгенин кошумчалады. Учурда бөлмөдөгү температура 20-24 градус.
Буга чейин Sputnik Кыргызстан агенттигинин кабарчысы Токмоктогу балдар үйүнө барып, бөлмөдөгү температура 16 градуска чейин экенин видеого тартып алган болчу.
