БИШКЕК, 22-ноя. — Sputnik. "Барселона" клубунун чабуулчусу Лионель Мессиге аталган клуб менен келишимин узартпоосу үчүн 100 миллион евро сунушталды. Бул тууралуу Eurosport испаниялык El Mundo агенттигине таянуу менен кабарлады.
Эске сала кетсек, оюнчу менен клубдун келишими 2018-жылы аяктайт. Өткөн аптада Мессинин клуб жетекчилиги менен келишимин узартуу боюнча сүйлөшүүлөрүн баштаганы айтылган.
Маалыматта оюнчуга ким 100 миллион евро сунуштаганы айтылбайт. Анткен менен бул "Манчестер Сити" командасы болушу мүмкүндүгү болжолдонууда. Анткени аталган клуб буга чейин Мессиге 250 миллион евро төлөй тургандыгын айткан.
Лионель Месси 2003-жылдан бери "Барселона" клубунда ойноп, беш ирет алтын топтун ээси аталган.
