БИШКЕК, 14-ноя. — Sputnik. "Реал Мадрид" командасынын чабуулчусу жана Португалия курама командасынын капитаны Криштиану Роналду Nike компаниясы менен түбөлүктүү келишим түзгөнүн Sunday Тimes гезити билдирди.
Маалыматка ылайык, спорттук кийимдерди жана бут кийимдерди чыгарган компания футболчуга жыл сайын 24 миллион доллар төлөп берип турат. Эсептей келгенде бул келишим боюнча Роналду 73 жашка чыкканда 1 миллиард доллар табары аныкталган.
Nike компаниясы буга чейин мындай келишимди Майкл Жордан жана Леброн Жеймс менен түзгөн.
31 жаштагы футболчу өткөн жумада "Реал Мадрид" клубу менен 2021-жылдын 30-июнуна чейин деп жаңы келишимге кол койгон.
