БИШКЕК, 21-ноя. — Sputnik. Дем алыш күндөрү Бишкек шаарын кардан тазалоо иштери токтобогонун мэриянын маалымат кызматы билдирди.
Ишемби жана жекшемби күндөрү көчөлөргө 500 тонна кум, 37 тонна туз чачылган. Андан сырткары, кар талазаган 21 атайын унаа, 4 жүктөгүч, тротуарларды тазалоо үчүн 5 чакан трактор жана 20 жумушчу тартылган.
Кум, туз негизинен Чүй, Манас, Тынчтык, Абдрахманов, Жибек Жолу, Жаш Гвардия, Алматы, Чолпон-Ата, Ибраимов, Тыныстанов, Панфилов, Эркиндик, Логвиненко, Исанов, Тоголок Молдо, Турусбеков, Калык Акиев, Бейшеналиева, Фучика, Дэн Сяопин, Алыкулов, Москва, Бөкөнбаев, Түштүк магистраль, Тыналиев, Гагарин, Горький, Киев, Фрунзе, Рыскулов, Ленинград, Элебесов, Карл Маркс, Донецк, Ахунбаев, Анкара, Айни, Душанбе, Малдыбаев, Медеров, Ауэзов, Көлбаев, Салиев, Курманжан датка, Сүйүмбаев, Лев Толстой, Үмөталиев, Чапаев, Токтогул, Шербаков көчөлөрүнө себилген.
Ошондой эле бүгүн "Тазалыктын" кызматкерлери шаарды кардан тазалоо үчүн таң эрте чыкты. Тротуарларды тазалоого жол-эксплуатациялоо башкармалыгынын 30 кызматкери жана 500дөн ашык короо шыпыргычтар тартылган.
Бишкек мэриясы жарандардан муз болгон жана тазаланбаган жолдор болсо төмөнкү WhatsApp номерлер аркылуу маалымат берүүгө чакырат.
- Аскат Карынбаев (Ленин району) — 0557 997 927;
- Таалайбек Акматбаев (Октябрь району) — 0554 955 509;
- Руслан Шарапов (Биринчи Май району) — 0558 336 640;
- Марат Матмусаев (Свердлов району) — 0555 447 154.
