БИШКЕК, 15-ноя. — Sputnik. Нарын облусуна караштуу Миң-Куш айыл аймагында жер көчкүгө кабылган жол ачылгандыгы тууралуу ӨКМден кабарлашты.
15-ноябрда Миң-Куш — Ыраакы-Миң-Куш ички чарбалык унаа жолунун 3-4-чакырымында болжол менен көлөмү 80 миң метр куб болгон жер көчкү жылган. Натыйжада 1500 метр куб жер көчкү унаа жолго түшкөн.
"Тазалоо иш-чаралардын натыйжасында саат 15:30да Миң-Куш — Ыраакы Миң-Куш ички чарбалык унаа жолу эки тарапка ачылды", — деп айтылат маалыматта.
Жер көчкүдөн жабыркагандар болгон эмес.
