БИШКЕК, 14-ноя. — Sputnik. Москва жана Санкт-Петербург шаарларына теракт уюштурууну пландап кармалгандар Борбордук Азия өлкөлөрүнө да теракт жасашмак. Бул тууралуу Улуттук коопсуздук кызматынын маалымат кызматы билдирди.
Маалыматтарга ылайык, Кыргызстан, Тажикстан жана Россиянын атайын кызматтарынын биргелешип иштөөсүнүн жыйынтыгында арасында Борбор Азиянын жарандары бар террордук топ кармалган.
Алардын ичиндеги Таго аттуу кыргызстандык бала досу менен бирге террордук чабуул уюштурууну пландаганын айткан.
"Террочулардын башкы максаты — Россия жана Борбор Азия өлкөлөрүнө ири масштабдагы теракт уюштуруу ", — деп жазылат УКМК маалыматында.
Кармалган адамдар террордук уюмдарга тиешеси бар экенин жана теракт жасоону пландашканын моюнга алышты.
