"Кыргызстан менен Тажикстандын Улуттук коопсуздук мамлекеттик комитеттери менен биргеликте Россиянын Федералдык коопсуздук кызматы жүргүзгөн иш-чаралардын негизинде 13-ноябрь Москва жана Санкт-Петербург шаарында диверсиялык топтун ишин алдын алды. Ага жалпысынан алганда Борбор Азия республикасынын бир нече атуулдары кирген", — деп билдирди Сулайманов.
Кармалгандар Москва менен Санкт-Петербургдан сырткары Борбор Азия аймагында теракт жасоону пландашкан делинүүдө.
"Учурда Улуттук коопсуздук боюнча мамлекеттик комитети алардын арасында кыргызстандык жарандардын бар-жогун тактап жатат", — деди Сулайманов.
Эскерте кетсек, ишемби күнү, 12-ноябрда Россияда автомат жана жардыруучу заттарды пайдалануу менен эл көп чогулган жерде теракт жасоону пландаган 10 киши кармалган.
