БИШКЕК, 11-ноя. — Sputnik. Бишкек шаарында жаштар аллеясында жана Улуттук филармониянын түндүк-батыш тарабында коомдук ажаткана курулду. Бул тууралуу Бишкек шаардык мэриясынын маалымат кызматы билдирди.
Учурда бул ажатканалар "Зеленстрой" ишканасына өткөрүлүп, толугу менен ишке киргизилди.
© пресс-служба мэрии города БишкекБишкек шаарында жаштар аллеясында жана Улуттук филармониянын түндүк-батыш тарабындагы коомдук ажаткана
![Муниципальные общественные туалеты в Бишкеке Муниципальные общественные туалеты в Бишкеке - Sputnik Кыргызстан](https://sputnik.kg/img/103022/54/1030225427_0:0:1024:683_600x0_80_0_0_4af1b967e4e8e8782b42f266e97e0de1.jpg)
Бишкек шаарында жаштар аллеясында жана Улуттук филармониянын түндүк-батыш тарабындагы коомдук ажаткана
Мындан сырткары 2017-жылдан тарта борбордун бир катар жерлерине да ажатканалар курула баштайт. Аларды кайсыл жерлерге куруу керектигин атайын комиссия аныктаган.
- Пушкин — Тыныстанов көчөлөрүнүн кесилишиде;
- Горький атындагы сейил багы;
- Чыңгыз Айтматов атындагы сейил багы;
- Эркиндик бульвары менен Бөкөнбаев көчөлөрүнүн кесилишинде;
- Ала-Арча – Махатма Ганди көчөлөрүнүн кесилиши;
- Рыскулов – Коенкозов көчөлөрүнүн кесилиши;
- Дайыр Асанов атындагы Жеңиш паркы;
- Бишкектин 125 жылдыгына арналган маданият жана эс алуу паркынын аймагы;
- Ата Түрк паркынын айланасы, Шакиров көчөсү;
- Жантөшев көчөсү;
- Рыскулов – Жаш Гвардия бульвары;
- Айни – Дагенстан көчөлөрүнүн кесилиши;
- Москва – Жаш Гвардия бульвары;
- Фучик паркы;
- Чүй проспектиси – Абдырахманов көчөлөрүнүн кесилиши;
- Абдырахманов – Фрунзе көчөлөрүнүн кесилиши.
Салына турчу коомдук ажатканалар бардык санитардык талаптарга жооп берип, шаардык бюджеттен каржыланмакчы.
Бишкекте курула турган 18 ажаткананын картасын Sputnik Кыргызстан материалынан көрүңүз>>