БИШКЕК, 9-ноя. — Sputnik. Бейшемби күнү Ош менен Баткен облустарынын тоолоруна кар жаай турганын Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрге чейин жетет.
Бишкек менен Ош шаарларында жаан-чачын күтүлбөйт. Борбор калаада түнкүсүн 1 градуска чейин жылуу болсо, күндүз абанын температурасы 14 градуска чейин жогорулайт. Ал эми Ошто түнкүсүн 3, күндүз 17 градус жылуу болот.
Тоолуу аймактардын жолдору тайгак болушу күтүлүүдө.
