БИШКЕК, 3-ноя. — Sputnik. Австриялык авиакомпаниялардын бири дүйнөдөгү эң кыска деп табылган аба каттамын ачты. Бул тууралуу The Local интернет-порталы жазып чыкты.
Швейцариялык Санкт-Галлен-Альтенрхайн аймагынан Германиянын Фридрихсхафен тарабына өтүү үчүн болгону сегиз мүнөт кетет экен.
Shortest Flight: People's Viennaline #PE200 from ACH-FDH. The flight started today and it only last 6 minutes! pic.twitter.com/e2PeO109aa
— AviationNews24 (@aviationnews24h) 2 ноября 2016 г.
Жолдун узундугу болгону 20 чакырым. Компания күнүнө эки каттам жасоого ниеттенип жаткандыгын, бир тарапка билеттин баасы 40 евро экендигин билдирди.
Басылманын маалыматына караганда, бул рекордду мурда башка чакан компания койгон. Анда Венадан Словакиянын борборуна чейинки жол 10 мүнөттү түзгөн.
