Өмүрбек Бабанов: РАЖ коалицияга кирбей эле Конституциянын өзгөрүшүн колдойт
"Республика — Ата-Журт" фракциясы көпчүлүк коалициясына кирбейт. Бул тууралуу аталган фракциянын лидери Өмүрбек Бабанов парламентте сүйлөп жатып билдирди.
Эске сала кетсек, буга чейин депутат Өмүрбек Текебаев айрымдар көпчүлүк коалициясына кирүү үчүн Баш мыйзамды өзгөртүүгө макул болот деген пикирин айткан.
"Өмүрбек Текебаев коалицияга баруу үчүн макул деген добуш бересиңер деп интрига таштап кетти. Биз Баш мыйзамды өзгөртүү боюнча демилгени башынан бери эле колдоп келе жатабыз. Урматтуу Иса Шейшенкулович, мен ачык айтам. Биз көпчүлүк коалициясына кирбейбиз", — деди Бабанов.
Эл өкүлү "РАЖ" көпчүлүк коалициясына кирбей эле Конституцияга өзгөртүү киргизүүнү колдой турганын белгиледи.
