БИШКЕК, 2-ноя. — Sputnik. Референдумга каршыларды желмогуз, колдогондорду баатыр кылган туура эмес. Бул тууралуу КСДП фракциясынын депутаты Жанар Акаев парламентте референдумду дайындоо жөнүндө мыйзам долбоору каралып жатканда билдирди.
Анын айтымында, маселени эл чечет.
"Баш мыйзамды өзгөртүүнү же өзгөртпөөнү эл чечет. Бирок өзгөртүүгө каршы чыккандарды желмогуз көрсөтүп, колдогондорду баатыр кылганыбыз туура эмес. Колдободуң деп туруп эле эл душманы, ууру, чыккынчы кылууну токтотуш керек", — деди Акаев.
Эл өкүлү өкмөттүк медиа аркылуу Баш мыйзамга өзгөртүүгө каршы чыккандарды каралоону токтотууга чакырды.
