БИШКЕК, 31-окт. — Sputnik. "Ата Мекен" фракциясы Бишкек шаардык кеңешке боло турган шайлоого катышпайт. Бул тууралуу Sputnik Кыргызстан агенттигине аталган фракциянын депутаты Алмамбет Шыкмаматов билдирди.
Эске сала кетсек, буга чейин БШК "Ата Мекен" партиясы шайлоого катышуу боюнча арыз жазып, кайра алып койгондугун билдирген.
"Бишкек шаардык кеңешке боло турган шайлоого катышпайбыз деп чечтик. Анткени бийлик административдик күчтү колдонуп, биздин талапкерлерге кысым көрсөтүп жатат. Ошондуктан биз өз талапкерлерибизди административдик соккуга кабылбасын деген чечимге келдик", — деди Шыкмаматов.
Белгилей кетсек, БШК учурда Бишкек шаардык кеңешке боло турган шайлоого катышуу үчүн 14 партия арыз тапшырганын билдирген.
