БИШКЕК, 31-окт.— Sputnik. Үстүбүздөгү жылдын 1-2-ноябрь күндөрү Бишкек шаарынын айрым көчөлөрүнө жана райондоруна газ берилбей тургандыгын "Газпром" ишканасы билдирди.
Маалыматка ылайык, Лермонтов, Фрунзе, Кантемиров, Салиева, Медеров, Элебаев, Карасаев, Жукеев-Пудовкин, Муса Жалил, Пархоменко, Ялта, Буденный көчөлөрүндө көгүлтүр от берилбейт.
Ошондой эле районунун Дэн Сяопин, Кустанай, Мурманск, Абакан, Ворошилов, Киров, Фрунзе көчөлөрүндө да газ өчүрүлөт.
Ишкана мындай кадам оңдоп-түзөө иштерине байланыштуу жасалып жатканын кошумчалады.
