БИШКЕК, 27-окт. — Sputnik. Сузактагы өспүрүм баланын сиуцидге барганы — трагедия. Бул тууралуу "Өнүгүү — Прогресс" фракциясынын лидери Бакыт Төрөбаев парламентте ар кандай маселелер каралып жаткан да билдирди.
26 Тогуздун айы 2016, 17:15
Эскерте кетсек, 23-октябрь күнү Сымкат айылында уурулукка шектелген өспүрүм үйдүн короосунда муунуп калган. Атасы аны көзүнүн тирүүсүндө табууга жетишкен, бирок бала аймактык ооруканага жетпей каза болгон. Маркумдун апасы Москвада эмгектенип келет.
"Саясий окуялар менен алек болуп, элди унутпашыбыз керек. Мен Сузак районунда болгон окуяга көңүлүңүздөрдү бөлгүм келет. Ал жакта 2002-жылкы бала өзүнө кол салып, суицидге барды. Тергөө кандай болгонун билбейм, бирок 10 000 сом үчүн деп айтышууда. Бул окуя биз үчүн трагедия", — деди Төрөбаев.
Эл өкүлү маселени чечүү үчүн ИИМде реформа жасалып, милиция элдин ишеничине ээ болушу керек деген пикирде.
