Элмира Шерипова: айдоочулар алыскы жолго керектүү шаймандары менен чыгышы керек
ӨКМдин маалымат кызматынын өкүлү Элмира Шерипова Төө-Ашуудан башка ашуулар ачык экенин билдирди. Анын айтымында, кечээ Төө-Ашуу менен Ала-Бел ашууларында оор жүк ташуучу унаалар өтө албай, машиналардын тыгыны жаралган. Мындан улам саат кечки 5тен баштап "Сосновкадан" "Арал" өткөрүү пунктуна чейин оор жүк ташуучу унааларга чектөө киргизилди.
"Кардан улам айдоочуларга унаанын жайкы дөңгөлөгүн кышкыга алмаштырып жолго чыгуусун эскертебиз. Мындан тышкары, чынжыр, күрөк, дары-дармек сыяктуу керектүү каражаттар болуусу зарыл", — деди Шерипова.
ӨКМдин өкүлү учурда башка ашуулар жол кыймылы үчүн ачык экенин белгиледи.
