БИШКЕК,12-окт. — Sputnik. Чет жактан Кыргызстанга эмгек мигранттары тарабынан которулган акчанын көлөмү январь-август айларында былтыркы жылдын ушул маалына салыштырмалуу 143,6 миллион долларга өстү. Бул тууралуу Улуттук банктын сайтында айтылууда.
Өткөн жылдын январь-август айларында 1 миллиард 117 миллион доллар которулса, быйылкы жылдын ушул эле маалындагы которуулар 1 миллиард 260,6 миллион долларга жеткен.
Улуттук банктын маалыматы боюнча каражаттын басымдуу бөлүгү Россиядан келген. Мындан тышкары, Казакстандан 1,8 миллион доллар, ал эми алыскы чет өлкөдөн 34,5 миллион доллар которулган.
