БИШКЕК, 4-окт. — Sputnik. Түркиянын президенти Режеп Тайип Эрдоган Европа Биримдигинен миграция макулдашуусу боюнча убадаланган каражатты толук ала электигинен улам уюмду сынга алганын РИА Новости жазып чыкты.
Март айынын ортосунда ЕБге мүчө-өлкөлөрдүн башчылары Түркия менен миграция кризисине каршы күрөшүү боюнча макулдашкан. Анда Грецияга Түркия аркылуу мыйзамсыз өткөн адамдарды кайра кайтаруу маселеси караштырылган. Түркиядан чыккан сириялык мигранттарды Евробиримдик "бирге бир" принциптери менен эле кабыл алат.
"ЕБ бизге 3 миллиард евро беребиз деп убада берген. Ал 3 миллиарддан биз болгону 179 миллион евросун эле алдык. Убада берген акчалар түшкөн жок, бирок качкындар келип жатат. Акча алабызбы-албайбызбы бизге баары бир. Жардыруулардан качкан качкындарды кабыл ала беребиз", — деди Эрдоган дүйшөмбү күнү билим-технология конференциясында сүйлөп жатып.
Анын алкагында Еврокомиссия Европарламентке жана ЕБ Кеңешине Түркия жарандарына визалык чектөөнү алып салуу керектигин сунуштаган. Ал үчүн Анкара июндун аягына чейин визаны жокко чыгаруу шарттарды аткарышы керек болчу.
