Тагдырдын оор сыноосуна моюн сунгусу келбеген жигит күн сайын окуу жайга такси менен барат. Адылжан акчасы көптүгүнөн эмес, мүмкүнчүлүгү чектелгендиктен такси менен жүрүүгө аргасыз.
Апасы Гүлнара Шарипова ар убак уулунун жанында. Таң атпай жетелеп окууга алып барып, сабак учурунда коридордо күтүп отурат.
"Уулум төрөлгөндөн эле эле грыжа болуп, башынан эки клиникалык өлүмдү өткөрдү. Бул оорунун арты менен сөөктөр ичкерип, анемияга алып келди. Бирок кыйынчылыкка карабастан абдан тырышчаак. Күн сайын сабакка такси менен алып барып, коридордо күтүп турам. Анткени балама биринчи кезекте билим алуузарыл. Бир кесиптин ээси болсо жанын багып кетээр", — деди Шарипова.
Ал эми Адылжан каражат чогултуп, апакесине унаа сатып берүүнү тилек кыларын жашырган жок.
"Мен азыр 18демин. Буюрса кесипти өздөштүрүүнүн аракетинде жүрөм. Жай келсе уюлдук телефондорду оңдоп иштейм", — деди ал.
Учурда үй-бүлө такси кызматына эле 5 миң сом коротот.
