БИШКЕК, 28-сен. — Sputnik. Кыргызстандын байкерлери президент Алмазбек Атамбаевди колдоп Бишкекти мотоцкл менен аралап өтүштү. Бул тууралуу Sputnik Кыргызстандын кабарчысына өлкөнүн Мотоциклисттер коомчулугунун башчысы Аскат Сеитбеков маалымдады.
Анын айтымында, көпчүлүктүн колдоосу менен акция кечээ өттү.
"Президентти эл шайлайт, ага колдоо көрсөтүшүбүз керек. 20дан ашык байкерлер муну колдошту. Мындан дагы көп катышмак, бирок иш күнү болгондуктан акция өткөрүү чечими шашылыш кабыл алынып калды", — деди Сеитбеков.
Кыргызстандын президенти 19-сентябрда АКШга БУУнун 71-сессиясына катышуу үчүн АКШга учкан. Түркиянын Ататүрк атындагы аэропортунан Атамбаев өзүн жаман сезип, текшерүү учурунда жүрөк оорусунун белгилери аныкталган. Президент Түркиядан медициналык текшерүүдөн өтүп, ал эми 23-сентябрда Москвага дарыланууга келген. Эмгек өргүүсүн алып дарыланып жаткан президентке жүрөк аритмиясы деген диагноз коюлган.
