БИШКЕК, 24-сен. — Sputnik. Режиссер Адилет Каржоевдин "Сары Ой" даректүү тасмасы быйыл биринчи жолу өтө турган түрк дүйнөсүнүн документалисттеринин эл аралык кинофестивалына чакыруу алды. Бул тууралуу Кинематографты колдоо фондусу билдирди.
Маалыматка ылайык, фестиваль 8-9-октбярь күндөрү Түркиянын Стамбул шаарында өтөт. Тасманы режиссер өзү тартуулайт.
18 мүнөткө созулган тасма алыскы аймакта жашаган бүркүтчү тууралуу баяндайт.
Аталган фильм буга чейин бир катар фестивалдарга катышып, лауреат аталган.
