БИШКЕК, 19-авг. — Sputnik. XI кылымда жашаган улуу ойчул, акын, философ, энциклопедиялык билими бар илимпоз, түрк тилинин улуу устаты Жусуп Баласагындын "Куттуу билим" философиялык чыгармасы кыргыз тилинде академиялык басылма катары жарык көрдү. Бул тууралуу Илимдер академиясынан кабарлашты.
"Куттуу билим" дастанын филология илимдеринин доктору, профессор Сагалы Сыдыков которгон.
Китеп адабиятчыларга, тилчилерге, философторго, тарыхчыларга жана жалпы эле көркөм мураска кызыккандарга арналат.
Жусуп Баласагындын бул чыгармасынын которулуп, жарык көрүшү анын 1000 жылдык мааракеси менен "Маданият жана тарых" жылына арналган.
