БИШКЕК, 19-сен. — Sputnik. КРдин жаштар курама командасы Азия чемпионатынын алкагында Япониянын курама командасына жеңилип калды. Бул тууралуу КРдин футбол федерациясы билдирди.
Кыргызстандык жаш футболчулар өзүлөрүнүн тайпадагы алгачкы беттешин 16-сентябрда австралиялыктарга каршы өткөрүп, аларды 1:0 эсеби менен утуп алган. Ал эми япониялыктар да биринчи оюнунда атаандашы Вьетнамдын курама командасын 7:0 эсеби менен жеңген.
Ал эми Кыргызстан — Япония беттеши 8:0 эсебинде япондуктардын пайдасына аяктады.
Кыргызстандын курама командасы (U-16) Азия чемпионатына биринчи жолу катышып жатат. Чучукулак кармоонун жыйынтыгы менен кыргызстандык оюнчулар "В" тайпасына туш келген. Бул тайпада Япония, Австралия жана Вьетнам командалары бар.
