БИШКЕК, 17-сен. — Sputnik. Россиянын президенти Владимир Путин КР президенти Алмазбек Атамбаев менен жолукканда Бишкек шаарынан көрүнүшүнө көзү толгондугун билдирди.
Ал өз сөзүндө эки тараптуу кызматташуу бардык багыттар боюнча өнүгүп жатканын белгилеп, түрдүү шарттарга карабай алдыга коюлган максаттар ишке ашып жатканын айтты. Ошондой эле КМШ саммити жогорку деңгээлде уюштурулганын баса белгиледи.
"Бишкекке келгенде ал кулпуруп, жакшы тарабына өзгөрүп жатканына кубандым. Биздин элчи жаңы көрүнүштөрдү жетине албай айтып берди. Бул сиздин ишиңиздин жана жалпы команданын экономиканы чыңдоо боюнча жасаган жалпы эмгегинин жыйынтыгы", — деди Путин.
Россиянын президенти КМШ мамлекет башчыларынын кеңешинин мааракелик жыйынына катышуу үчүн келген. Ишемби күнү мамлекет башчыларынын эки тараптуу жолугушуусу белгиленген. Ошондой эле "Ата-Бейит" мемориалдык комплексине баруу дагы каралган. Бүгүн Алмазбек Атамбаев 60 жашка чыкты.
