БИШКЕК, 17-авг. – Sputnik. Испаниялык куткаруучулар кен издеп жатып, жер алдына түшүп кетиши мүмкүн деген кишинин сөөгү табылды. Бул туурасында РИА Новости La Sexta телеканалына шилтеме берүү менен кабарлады.
Мындан бир нече ай мурда Марокконун 38 жаштагы жараны досу менен биргеликте кенч издеп өзүнүн фермасынын аймагын каза баштаган. Кенч тууралуу маалыматты ал жергиликтүү тургундардан алган. Байлык издеген киши жерди 10 метрге чейин казууга жетишкен.
Дүйшөмбү күнү анын жакын таанышы эркек киши дайынсыз жоголуп, чуңкурдун жанында буюм-тайымдары калганын бийликтегилерге кабарлаган. Куткаруучулар тартылып, ал жерди экскаватор менен казып, өрт өчүрүүчүлөр күзөтүшкөн.
Эртеси анын жансыз денеси өзү казган чуңкурдан табылган. Адистер анын аба жетпей каза болгонун айтышууда.
