БИШКЕК, 16-авг. — Sputnik. Президент Алмазбек Атамбаев Кыргызстан элдеринин ассамблеясынын жетекчиси Токон Мамытовду кабыл алгандыгын өлкө башчынын маалымат кызматы билдирди.
Жолугушуу учурунда Мамытов жасалып жаткан иштер тууралуу маалымат берип, улуттар аралык достуктукту арттыруу аракеттери жүрүп жаткандыгын баса белгиледи.
Өз кезегинде Атамбаев биргеликте кызматташуу өтө маанилүү экенин, бул жаата Кыргызстан элдеринин ассамблеясы көп жумуштарды жасашы керектигине токтолду.
