БИШКЕК, 14-авг. — Sputnik. Филиппинде суу ташкынынан улам 70 миңден ашуун киши турак жайын таштап кетүүгө аргасыз болгонун РИА Новости Франс Пресс маалымат агенттигине таянуу менен жазып чыкты.
Нөшөрлөгөн жаан ушул апта башында өлкөнүн батыш аймактарында башталган. Акыркы маалымат боюнча, кырсыктан беш киши каза болду. Эвакуацияланган жашоочулардын 9 миңи — борбор калаа Маниланын тургундары.
Табигый кырсыктан улам өлкө бийлиги мектептерди жаап, аэропорттор ички аба каттамдарын токтотту.
