Көчмөндөр чагылдырылган почта маркалары чыкты

БИШКЕК, 11-авг. — Sputnik. Дүйнөлүк көчмөндөр оюндарына (ДКО) арналган почта маркаларынын сериялары жүгүртүүгө киргизилди. Бул тууралуу ДКОнун катчылыгы билдирди. 

Маалыматтык технологиялар жана байланыш боюнча мамлекеттик комитет билдиргендей, жакында өтө турган Көчмөндөр оюндарындагы спорттун үч түрүнө арналган 50 сом, 100 сом жана 150 сом номиналындагы маркаларда балбандардын эңиши, көзгө атар мерген жана өрт жалындаган чабандес чагылдырылган. 

Жалпысынан 216 миң нуска менен чыккан маркалардын – Виталий Погольша. 

Дүйнөлүк көчмөндөр оюндарынына арналган тематикалык почта маркалары Кыргызстандын "Kyrgyz Eхpress Post" почта бөлүмдөрүндө үстүбүздөгү жылдын 8-августунан тартып сатыкка коюла баштады. 

Аларды Бүткүл дүйнөлүк почта биримдигинин бардык өлкөлөрүндөгү каттардын жана почта карточкаларынын төлөмдөрүндө колдонсо болот. 

Дүйнөлүк көчмөндөр оюндары 3-8-сентябрь аралыгында Ысык-Көлдүн жээгинде өтөт. Ага катышууга 35 мамлекет билдирме жөнөттү. 

Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү болуп саналат.