БИШКЕК, 10-авг. — Sputnik. Аскер прокуратурасы Кыргыз мамлекеттик медициналык академиясынын мурунку аппарат жетекчиси Абдикарим Гапаровдун өлүмү боюнча кылмыш ишин тергеп бүттү. Бул тууралуу Башкы прокуратурадан билдиришти.
4 Баш оона 2016, 15:45
Февраль айында УКМК медициналык академиянын аппарат жетекчиси 30 миң сом пара алып кармалгандан кийин тинтүү учурунда каза болгонун маалымдаган. Алдын ала божомолдор боюнча өлүмгө жүрөк оорусу себепкер болгон. Окуу жайдан буга чейин Гапаров эки жолу инфаркт илдетине кабылганын, маркумдун денесинен көгала тактар аныкталганын айтышкан.
Башкы прокуратуранын билдиришинче, аталган иш боюнча УКМКнын тергөөчүсү жана Коррупцияга каршы кызматынын эки кызматкери шалаакылык менен күнөөлөнүүдө.
