БИШКЕК, 28-июл. — Sputnik. Бишкек шаарында эки ири автокырсык катталганын Тез жардам кызматынын кайра жандандыруу бөлүмүнүн башчысы Егор Борисов билдирди.
Кечээ, 27-июль күнү саат 17:29да Тез жардам кызматына билдирүү түшүп, анда Алматы жана Ахунбаев көчөлөрүнүн кесилишинде авария болгондугу айттылган. Кырсыктан беш адам жабыркап, алар Травматология жана ортопедия илим изилдөө институтуна жеткирилген.
Мындан сырткары, Медеров жана Байтик баатыр көчөлөрүндө да жол кырсыгы катталган. Окуядан үч адам жаракат алып, алар да аталган оорукана дарыгерлеринин көзөмөлүнө алынган.
