Ишкер Чихун Чжонг: Кореяда деле "эл эмне дейт" деген түшүнүк менен жашайбыз

© Фото / предоставлено Чихуном ЧжонгомИнтервью с предпринимателем и танцором-художником
Интервью с предпринимателем и танцором-художником - Sputnik Кыргызстан
Жазылуу
Чихунду Бишкекте ишкер, чет мамлекетте бийчи-сүрөтчү, ал эми Кореяда өз уулу катары таанышат. Журналист Гүлдана Талантбекова Чихунду кепке тартып, анын эмне себептен сүрөттү колу менен эмес, буту менен тартаарын билип көрдү.

Угуу мүмкүнчүлүгүнөн ажыраган 26 жаштагы Төрөгелди Каныбек уулу. Архив - Sputnik Кыргызстан
Дудук жигит менен маек: Сүйүктүүмдү башка менен көрүп, кыздарга жүрөгүм муздап калды
Корей сериалдарынын таасириненби, ал жактын жигиттери десе эле чачты далыга чейин таштап, назик сүйлөгөн саркеч мырзаларды элестетебиз. Бирок кара торусунан келген Чихун чоң шаарлардын маданиятын таанып билгенге чейин Түштүк Кореянын алыскы кыштагында күрүч өстүрүп чоңойгонун айтып берди. Чихун Чжонг 33 жашта. Ал шаардын жашоосун 19 жашка чыкканда Сеулга окууга келгенде көргөнүн айтат. АКШнын Бостон шаарында философия жана искусство факультетинде окуган.

— Алгачкы жолу Кыргызстанга келгениңиз эсиңиздеби?

— Кыргызстанга 2015-жылы келгем. Мен аэропорттон түшкөндө кыш мезгили болчу. Карасам, элдин көбү кара-күрөң түстөгү күрмөлөрдү кийип жүрүшөт. Бул жакта көрсө, кышкысын кара өңдөргө басым жасашат турбайбы. А мен тимеле чайыттай болгон кызгылт сары куртка кийип алгам. Ошондо кийимди туура эмес тандап алганымды түшүндүм. Бизде болсо төрт мезгилде тең ачык түстөгү кийимдерди кийишет.

— Кыргызстан тууралуу качан уктуңуз эле, кантип келип калдыңыз?
— Менин таякем Кыргызстанда жети жыл жашап, бизнес менен алектенген. Ал мага өлкө туурасында көп нерсе айтып берген. Эсимде, Кыргызстанга барам десем көбү "ал жакта сага эмне бар" дегенде мен "ал өлкө жөнүндө эч нерсе билбейм, ошондуктан көргүм келет" деп жооп бергем.

— Анан бул жакта кантип калып калдыңыз?

Сүрөтчү Табылды Кадырбеков. Архив - Sputnik Кыргызстан
Cүрөтчүнүн жан сыры: Турганбаевдин жылмаюусун бир нече күн аңдыгам
— Дайыма изденүүнүн үстүндө жүрөм. Билбеген нерседен ачылыш жасаганды жактырам. Өлкөнүн тилин, маданиятын жана каада-салттарын үйрөнгөнгө аракет жасайм. Мен алгач бул жакка жер көрүү, эли менен жакындан таанышуу максатында келгем. Андан мурун Британияга барып докторлук ишимди жактамакмын. Кыргызстан өнүгө турчу өлкө экендигине көзүм жетти, ошол себептен жергиликтүү продукцияны колдоо максатында жеке бизнесимди ачып иштетип жатам.

— Кыргызстанга караганда башка өлкөдө бизнесимди жөнгө салсам болмок экен деген ойлор болду беле?

— Эгер акча табуу башкы максатым болсо бизнесимди Кореядан эле иштетмекмин. Мен экономиканын материалдык фанаты эмесмин. Мен өлкөгө салым кошкум келет. Эгерде башка мамлекеттен иштетсем атаандаштар көп болмок. Анда жашоонун кызыкчылыгын сезүү мүмкүн эмес болсо керек. Бул жакта баары жөнөкөй.

— Бутуңуз менен сүрөт тарткан өнөрүңүз бар экен. Каяктан үйрөндүңүз?
— Мен Аргентинанын борбору Буэнос-Айреске барганда тангону өздөштүргөм. Бийлеп жатканымда ички сезимимди, ой-толгоомду элестүү кылыш үчүн экөөнү биргеликте жасайм. Башкача айтканда, бийлеп жатып, сүрөт да тарта берем.

— А эмнеге кол менен тартпайсыз?
— Эгер кол менен тартсам отуруп алып жана бийлеп жатканда эмнелерди ойлодум эле деп баш катырганга туура келмек. Андан көрө бир эле убакта бийлеп дагы сүрөттү түшүрө да берсең эки нерсе дал келип ички сезимиңди башкаларга жеткиликтүү бере аласың.

— Бул сүрөттөрдү кайра эмне кыласыз?
— Чет мамлекетте жүргөндө шоуларды уюшуруп, бүткөндөн кийин картинаны сатып алышчу. Азыр деле көбү сатыкка кетет.

— Биз менен корейлердин кандай окшош жактарын байкай алдыңыз?

— Үй-бүлөнү биринчи орунга койгонубуз көбүрөөк окшош. Бизде дагы туугандар бирин-бири сыйлап урмат көрсөтүшөт. Алар кийинки муундан да ошондой урматты күтүшөт. Туугандарга жардамдашып, балдар ата-энесин багыш керек деген милдеттүү түшүнүк бар. Кореянын борбору Сеулда бир аз башкачараак болушу мүмкүн, бирок корей элинде жалпысынан ушундай. Анан бизде элге уят болбой тырышып иштегенге аракет кылышат. Айланадагылар бири-бирине карап түздөнүшөт.

— "Эл эмне дейт" деген түшүнүкпү?
— Ооба, дал өзү. Маселен, элдин ою сенин оюңдан да маанилүү болуп калат. Мындайда башкалардын пикирин сөзсүз эске алып каласың.

— Силерде мырзалар сөзсүз отуз жашка чыкканда үйлөнүшөт деп коюшат?
— Эгерде менин ата-энем тууралуу айтсам, алар жаш кезинде эле баш кошкон. Азыркы менин курагымдалар окуп, иштеш керек деп жатып кеч үйлөнүшөт. 

— Ал жакта көп балалуу да болушпайт дешет?
— Баланы бизде тартиялоо кымбат турат. Анан аял киши сөзсүз иштеши керек. Ал өз алдынча карьера жасаганга тийиштүү. Жубайыңдын үйдө отуруусун кааласаң үйлөнбөй эле койсоң болот. Бизде эркектер үйдө аялга тийиштүү кызматтардан тамак жасап, кир жууп, бала багышат.

— Сизде мырза катары биздин кыздар менен корей кыздарын салыштыруу болобу?
— Кыргыз кыздары келбет жагынан табигый кыздар экени талашсыз. Биздин кыздар пластикалык операцияларды көп жасатышат.

— Баарыбыз үстүртөн билебиз деп коебуз. Сиз айтыңызчы, ал операциялардын кандай зарылчылыгы бар?

— Бул социалдык проблема. Маселен, кыргыздар кымбат машинени же чоң той өткөрүүнү кааласа аны насыя алса да кылышат. Анткени эл эмне дейт деген түшүнүк бар. Ошол сыяктуу эле биздин кыздар акчасына карабай жасатышат. Аларда бизди эл кандай кабыл алат деген бар. Жумушка барганда сырткы келбетине карап алышат, ошол себептен келип чыккан социалдык көйгөй. Анан да бул көрүнүш мыйзам ченемдүү.

— Жашоодо өзүңүзгө кандай талаптарды коесуз?

Ювенилдүү артрит оорусуна чалдыккан он эки жашар Тилек Алтымышев. Архив - Sputnik Кыргызстан
Баспай калган 12 жашар Тилек үй-бүлөсүн багыш үчүн үй сатып оокат кыла баштады
— Кичинекей кезимде уялчаак бала болгондуктан, элге оңой менен аралаша алчу эмесмин. Он төрт жашка чыкканда мени уусу күчтүү аары чагып алган. Анан жандандыруу бөлүмүндө эки жума жатып, өлүп кайра тирилгендей болгом. Ошондон кийин жашоонун чындап баркын сезип, аны жаңы бурулушка өзгөртүүнү чечтим. Адам каза болгончо көп нерсени үйрөнгөнгө жетиши керек деп ойлоп калдым. Ар дайым ошол учурду эстеп, бул менин экинчи өмүрүм деп жашап келем. Азыр өзүмө бир талап койгом. Ал — кайсы бир ийгиликке жетүүдө адам оор жолду тандашы керек, анткени ал жакта атаандаш болбойт.

Жаңылыктар түрмөгү
0