БИШКЕК, 21-июл.— Sputnik. Ысык-Ата райондук сотунун судьясы Кангелди Ибраимкулов кызматынан алынды. Бул тууралуу президенттин маалымат кызматы билдирди.
Тиешелүү Жарлыкка президент Алмазбек Атамбаев бүгүн, 21-июлда кол койду.
Эскерте кетсек, Башкы прокуратура Ибраимкуловду кылмыш жоопкерчилигине тартуу боюнча Соттор кеңешине кат жолдоп, алар макулдугун берген.
Аталган Жарлык бүгүнтөн тартып күчүнө кирет.
