БИШКЕК, 16-июл. — Sputnik. Анкаранын Гөлбашы аймагындагы атайын даярдыктагы полициянын окуу борборуна абадан болгон кол салуунун кесепетинен 17 полиция каза болгонун CNNTürk басылмасы билдирди.
Белгилей кетсек, 15-июлда кечинде Түркиянын премьер-министри Бинали Йылдырым NTV телеканалына өлкөнүн аскерлери өлкөдө аскерий төңкөрүш кылууга аракет кылганын телефон аркылуу билдирген. Йылдырым аскерий топ өздөрүн берилген укуктарды жана курал-жаракты колдонуп "мыйзамсыз аракеттерди кылууга аракеттерди көргөнүн" белгилеген. Бирок, түрк өкмөтү ишин улантып жатат.
Өз кезегинде Түркиянын Башкы штабы өлкө бийлиги өз милдеттерин аткара албай турганын билдирди.
Ал эми өлкөнүн президенти Тайип Эрдоган төңкөрүш жасоого аракет кылгандар катуу жазалана турганын айтып, бул баш аламандыкты токтотуу үчүн элди көчөгө чыгууга чакырган. Эрдогандын тарапташтары аскерлердин аракеттерине каршылык көрсөтүүгө аракет кылууда.
