БИШКЕК, 13-июл. — Sputnik. Токтогул районунун аймагында Бишкек — Ош унаа жолуунун 264-чакырымында DAV үлгүсүндөгү жүк ташуучу автоунаа катуу ылдамдыкта бара жатып, айдоочусу бурулуштан рулду башкара албай "Чычкан" суусуна кулап кеткен. Бул туурасында ӨКМ билдирди.
Куткаруучулар сууда жаткан унаага белине аркан байлап алып ылдый түшүп, машинанын эшигин кесип, ичиндеги адамдарды алып чыгышкан.
Маалыматка ылайык, автоунаа ичинде эки адам болгон. Жаракат алган 25 жаштагы айдоочу Токтогул райондук ооруканага жеткирилсе, экинчи киши кырсык болгон жерде каза болгон. Учурда анын аты-жөнү такталууда. Анын сөөгү райондук өлүкканага жеткирилген.
