БИШКЕК, 13-июл. — Sputnik. Аляска жарым аралындагы Павлов жанар тоосу газ менен күл бүркүп баштады. Ал жерде гана көрүнүп спутник тарткан сүрөттөрдө билинбей жатканын Алясканын вулкан обсерваториясына шилтеме берүү менен РИА Новости жазып чыкты.
Июнь айынын акырында АКШнын геологиялык кызматынын геологдору Павлов менен Кливленд вулкандары атырылышы мүмкүн экенин билдиришкен. Бул андагы аба ырайынын жогорулашы менен сейсмологиялык силкинүүлөргө байланыштуу экени белгиленген.
Аталган вулкан жер жүзүндөгү тынчы жок жанар тоолордун катарына кирет. Жыл башынан бери март жана май айларында эки жолу күл бүрккөн. Изилдөөчүлөрдүн айтымында вулкандын атылышы ушуну менен токтоп калбайт.
Малыматка караганда, Павлов вулканы март айында атылганда атмосферага жетишерлик деңгээлдеги ысык аба бөлүнүп чыккан. Андан түзүлгөн булут үстүнөн учак өткөн, бактыга жараша учак жабыркаган эмес.
Павлов жанар тоосуна көзөмөл жүргүзгөн Алясканын вулкан обсерваториясы коркунуч категориясын жогорулаткан жок.
