БИШКЕК, 2-июл. — Sputnik. Футбол боюнча Европа чемпионатынын алкагында чейрек финалда Германия менен Италия курама командалары беттешет.
Эске сала кетсек, аталган беттеш чейрек финалдардын үчүнчү оюну. Буга чейин Португалия Польшаны утуп алса, Бельгия командасы Уэльстен жеңилүү ызасын таткан.
Бул беттеш Евро-2016дагы эң кызыктуу оюндардын бири болоору бышык. Анткени эки команда тең турнирдеги башкы фавориттердин бири болуп саналат.
Дүйнө коомчулугу кызыгып турган бул беттеш боюнча букмекер адистери Германия утат дешүүдө.
Оюн Бишкек убактысы боюнча 3-июль күнү саат 01:00дө башталат.
