Кайсыл автоунаалардын терезелерин караңгылатса болору боюнча өкмөттүн токтому чыкты

© Sputnik / Евгений Биятов / Медиабанкка өтүүТерезелерди караңгылатууну алуу. Архив
Терезелерди караңгылатууну алуу. Архив - Sputnik Кыргызстан
Жазылуу
КР өкмөтү кайсыл кызматтык унаалардын алдыңкы терезелерин караңгылатууга мүмкүн болору боюнча тизмени жарыялады.

БИШКЕК, 2-июл. — Sputnik. КР премьер-министри Сооронбай Жээнбеков кайсыл кызматтык унаалардын алдыңкы жана капталындагы терезелерин караңгылатуу боюнча токтомго кол койгону өкмөттүн сайтында жарыяланды.

Ага ылайык, төмөндөгү кызмат унаалары үчүн машинанын терезесин караңгылатууга уруксат берилет:

  1. КР президентинин, премьер-министрдин, Жогорку Кеңештин төрагасынын, Жогорку соттун төрагасынын кызматтык автоунааларына.
  2. КР президентинин кызматтык автоунаасын кайтарууну жана коштоону (эскорттоочу) жүзөгө ашыруучу Мамлекеттик улуттук коопсуздук комитетинин 9-кызматынын, премьер-министрдин, Жогорку Кеңештин төрагасынын, Жогорку соттун төрагасынын кызматтык автотранспорт каражаттары.
  3. "Кыргыз инкассациясы" жабык акционердик коомунун акчалай каражаттарды жана баалуу жүктөрдү ташуу боюнча атайын транспорттору.
  4. Соттолгон жана камакка алынган адамдарды ташуу (конвой менен алып жүрүү) үчүн арналган атайын кызматтык транспорттук каражаттар.

Мыйзам расмий түрдө жарыялангандан баштап күчүнө кирет.

Жаңылыктар түрмөгү
0