БИШКЕК, 2-июл. — Sputnik. Эл аралык "Манас" аэропортунун жүктөрдү алуу жеринен чет элдик жарандар өз жүктөрүн жерге ыргытылган түшкөн башка сумкалардын арасынан таба албай убара болгону тартылган видеону күбө WhatsApp номери аркылуу жиберген.
"Мына биз ушинтип туристтерди тосуп алабызбы? Бул баш аламандыкка өлкө бийлигинин көңүл буруусун каалайм", — дейт видеону жөнөткөн Жумаков.
"Манас" аэропортунун өкүлдөрү бул күнү жүк чыгаруучу аппарат бузулуп калганын айтышат.
"Бузулуу кыска гана убакытка 9 мүнөт гана болгон. Андыктан аэропорттун кызматкерлери жүктөрдү кол менен ташууга туура келди", — дейт "Манас" аэропортунун маалымат катчысы Алия Курбанова.
Анын айтымында, бул окуя бейшембиден жумага караган түнү болгон. Анда Россия менен Түркиядан каттамдар келген.
Эгер кандайдыр бир кызыктуу окуяларга туш болуп калсаңыз маалыматты +996 706 566 544 номери аркылуу WhatsApp менен салсаңыз болот.
