БИШКЕК, 2-июл. — Sputnik. Кытайда чоң трассада бараткан автобус жолдун четине кулап, 26 киши каза болгонун Синьхуа агенттиги билдирди.
Жол кырсыгы жума күнү Кытайдын түндүгүндөгү Тяньцзинь аймагына жакын жерде болгон. Автобуста 30 кишинин болгону айтылууда. Ал Тяньцзинь — Цзисянь кан жолунда баратып кулаган.
Алдын ала маалыматтар боюнча жол кырсыгы автобустун дөңгөлөгү жарылгандан улам болгон. 30 жүргүнчүнүн төртөө гана аман калган. Учурда алар ооруканада.
